«Chelsi» yarimhimoyachisi N'Golo Kante o‘tgan mavsumda «Lester» bilan APL g‘olibi bo‘lgandi.
«Chempion bo‘lish uchun nima qilish kerakligini bilaman. Bosimga bardosh berib, g‘alaba uchun qanday mehnat qilish lozimligini anglab turibman. Bu tajriba menga yordam beradi. «Chelsi» tarkibida juda ko‘p sovrinlarni yutib olgan futbolchilar o‘ynamoqda. Jamoa ham mavsumning so‘nggi o‘yinlariga tayyor.
«Lester» va «Chelsi»da har xil vazifani bajarmoqdaman. «Lester»da jamoaviy himoyada o‘ynab, qarshi hujumlardan unumli foydalanardik. «Chelsi»da esa to‘pni nazorat etib, katta kuch bilan himoyalanayotgan raqibni sindirishga harakat qilmoqdamiz» - dedi Kante Sky Sports xabarida.
