«Челси» яримҳимоячиси Н'Голо Канте ўтган мавсумда «Лестер» билан АПЛ ғолиби бўлганди.

«Чемпион бўлиш учун нима қилиш кераклигини биламан. Босимга бардош бериб, ғалаба учун қандай меҳнат қилиш лозимлигини англаб турибман. Бу тажриба менга ёрдам беради. «Челси» таркибида жуда кўп совринларни ютиб олган футболчилар ўйнамоқда. Жамоа ҳам мавсумнинг сўнгги ўйинларига тайёр.

«Лестер» ва «Челси»да ҳар хил вазифани бажармоқдаман. «Лестер»да жамоавий ҳимояда ўйнаб, қарши ҳужумлардан унумли фойдаланардик. «Челси»да эса тўпни назорат этиб, катта куч билан ҳимояланаётган рақибни синдиришга ҳаракат қилмоқдамиз» - деди Канте Sky Sports хабарида.