Bugun Rossiyaning Sochi shahrida Formula 1 poygalari bo‘yicha 2017 yilgi mavsumning 4-gran prisi bo‘lib o‘tdi.
Musobaqaning asosiy poygasida Ferrari avtopoygachilari Fettel va Raykonen birinchi qatordan o‘rin olgan bo‘lsa-da, start chog‘ida Mersedes vakili Valtteri Bottasni oldinga o‘tkazib yuborishdi. Natijada, poyga yakuniga qadar undan o‘zib keta olishmadi va Bottas o‘z faoliyatida ilk bor Gran Pri g‘olibiga aylandi.
Ikkinchi o‘rinda kelgan Sebastian Fettel esa chempionatda peshqadamlikni saqlab qoldi. Konstruktorlar poygasida esa Mersedes jamoasi Ferraridan 1 ochkoga oldinga o‘tib oldi.
Formula 1. Sochi (Rossiya)
Rossiya Gran Prisi
1. Valtteri Bottas (Mercedes) – 1:28:08.743
2. Sebastian Fettel (Ferrari) – 1:28:09.360 (+0.617)
3. Kimi Raykonen (Ferrari) – 1:28:19.743 (+11.000)
4. Lyuis Xemilton (Mercedes) – 1:28:45.063 (+36.320)
5. Maks Ferstappen (Red Bull) – 1:29:09.159 (+1:00.416)
