O‘yindan keyin dastlab «So‘g‘diyona» bosh murabbiyi Davron Fayziyev jurnalistlar savollariga javob qaytardi.

- O‘yin qiziiqarli kechdi. Samarqand jamoasi hozirgi kunda har bir raqibga jiddiy qarshilik ko‘rstamoqda. Kashfiyot jamoa bo‘lmoqda. "Neftchi" bilan bo‘lgan tasodifiy mag‘lubiyatni isbotlashimiz kerak edi. Ruhan ham, jismonan ham yaxshi tayyorlangan edik. "Dinamo"ni ikki o‘yinini stadionda ko‘rgan edim. Ikki jamoa ham ochiq o‘ynadi. Bir jamoa himoyalanib ochko uchun o‘ynamadi. «Dinamo» mavsum kashfiyotiga aylangan jamoa.

Meni xafa qilgan jihat muhim g‘alabadan yana so‘nggi daqiqada mahrum bo‘ldik. Muxlislarimizga rahmat aytaman. Ishlashda davom etamiz.

Bugun biz ikki ochko yo‘qotdik. Biz "Dinamo"dan ko‘ra 100 foizli vaziyatga ega bo‘ldik. Har bir jamoani qiyin o‘yinlar kutib turibdi.

"So‘g‘diyona" doimo Oliy ligada qolish uchun kurashgan jamoadir. Hozirgi chempionatda ko‘plab yoshlar o‘ynamoqda va ular o‘sib kelmoqda. Shu bois ham chempionat keskin kechmoqda. Misol "Dinamo"da Akmal Bozorov va Naumovdan boshqa nomdor futbolchi yo‘q.