«Chelsi» himoyachisi Kurt Zuma «MYU» klubiga o‘tishi mumkin.

The Sun xabariga ko‘ra, bosh murabbiy Joze Mourinyo 22 yoshli fransuzni jamoasiga olib kelmoqchi. Mutaxassis Zumaga doimiy o‘yin amaliyotini va’da qilmoqda.

Zuma joriy mavsumda «Chelsi» safida bor yo‘g‘i 15 o‘yinda maydonga tushdi. U jarohatidan so‘ng, tiklanib olish uchun ko‘p vaqt sarflab, asosiy tarkibdagi o‘rnini yo‘qotdi.

Transfermarkt xabariga ko‘ra Zumaning transfer narxi 14,5 million funtga teng. Uning «Chelsi» bilan imzolagan shartnomasi 2019 yilgacha amal qiladi.