4 may kuni Yevropa Ligasining 1/2 final birinchi uchrashuvi bo‘lib o‘tadi va unda “Selta” - “Manchester Yunayted”ga qarshi bahs olib boradi.
O‘yindan avval “qizil iblislar” sobiq himoyachisi Rio Ferdinand bosh murabbiy Joze Mourinyuga maslahat berib o‘tdi. Uning fikricha murabbiy bu kabi o‘yinlarda Ueyn Runidan foydalanishga majbur.
“Evropa Ligasida kurash olib borayotgan “Manchester Yunayted” uchun tarkibida Ueyn kabi futbolchi bo‘lishi katta ustunlik beradi. Barcha Runining mavsum so‘ngida klubni tark etishini aytishmoqda. Agar bu gap rost bo‘lsa Ueyn yana bir sovrin yutishga harakat qiladi. Mourinyu “Selta”ga qarshi Runini tushirishga majbur” – deydi Ferdinand Daily Star nashri uchun.
