«Real» bosh murabbiyi Zayniddin Zidan Fransiya prezidenti bo‘lishga nomzodlar va saylov jarayoniga to‘xtaldi. U xususan, «Milliy front» partiyasi vakili Marin Le Penning dasturi ma’qul ko‘rinmayotganini yashirib o‘tirmadi:

«2002 yildan buyon bu partiyaga nisbatan fikrim o‘zgargani yo‘q. «Milliy front» olg‘a surayotgan g‘oyalardan ancha yiroqman. Uning vakillariga ovoz berishdan tiyilish lozim.

Zero, radikal g‘oyalar hech qachon yaxshilikka olib kelmagan...». Eslatish o‘rinli, Marin Le Pen rahbarligidagi «Milliy front» partiyasi millatchilik g‘oyalari bilan nom qozongan.