Oliy liga 9-turidan o‘rin olgan “Qo‘qon-1912” –“Paxtakor” (1:1) uchrashuvidan keyin o‘tkazilgan matbuot anjumanida mezbonlar ustozi No‘’mon Hasanov o‘z fikrlarini aytdi.
«Bugun mamlakatimizning nomdor jamoasiga qarshi maydonga tushdik. Shunday bo‘lsa-da, raqib bilan tengma-teng o‘ynadik. Birinchi va ikkinchi taymda ikki xil o‘yin guvohi bo‘ldik.
Bugungi uchrashuvda ikki ochko yo‘qotdik deb hisoblayman. Rayevas gol urganida boshqacha bo‘lardi.
Bugun jamoamizdagi yo‘qotishlar o‘z so‘zini aytdi. “Paxtakor” bilan bo‘lgan bahsda turli sabablarga ko‘ra bir qator yetakchi o‘yinchilar xizmatidan foydalana olmadik.
Oldin aytganimdek, jamoamiz faqat muxlislar uchun o‘ynaydi. Biz ularni o‘zimizning chiroyli o‘yinlarimiz bilan xursand qilishni maqsad qilganmiz» - dedi Hasanov.
