Angliya premyer-ligasida 36-tur o‘yinlari davom etmoqda.
«Arsenal» o‘z maydonida «MYU» klubini qabul qildi. Birinchi bo‘limda tashabbus londonliklar tomonida bo‘ldi. Biroq ularga darvozani ishg‘ol etish nasib qilmadi.
Ikkinchi bo‘limda Granit Chakaning uzoq masofadan yo‘llagan zarbasi raqib futbolchisiga tegib, yo‘nalishini o‘zgartirdi va De Xea darvozasidan joy oldi. Oradan biroz o‘tgach, o‘ng qanotdan oshirilgan to‘pni Uelbek yaqin masofadan boshi bilan darvozaga yo‘llab, hisobdagi farqni oshirdi.
Bu natijadan so‘ng APLda Chempionlar ligasi yo‘llanmasini qo‘lga kiritish imkonini beruvchi 3 va 4-o‘rin uchun kurash yanada qizg‘in kechishi oydinlashdi.
APL, 36-tur
Arsenal – Manchester Yunayted 2:0 (0:0)
7 may, London, «Emireyts» stadioni
Gollar: 1:0 – 54 Chaka, 2:0 – 57 Uelbek.
Arsenal – Chex, Kosyelni, Monreal, Gibbs, Xolding, Remzi, Oksleyd-CHemberlen (Belyerin, 84), O‘zil, Chaka (Koklen, 76), Sanches, Uelbek (Jiru, 84).
Manchester Yunayted – De Xea, Jons, Darmian, Tuanzebe, Smolling, Mxitaryan (Lingard, 61), Kerrik, Errera (Reshford, 63), Mata (Maktomini, 84), Marsyal, Runi.
Ogohlantirish: Kosyelni (67).
