Англия премьер-лигасида 36-тур ўйинлари давом этмоқда.

«Арсенал» ўз майдонида «МЮ» клубини қабул қилди. Биринчи бўлимда ташаббус лондонликлар томонида бўлди. Бироқ уларга дарвозани ишғол этиш насиб қилмади.
Иккинчи бўлимда Гранит Чаканинг узоқ масофадан йўллаган зарбаси рақиб футболчисига тегиб, йўналишини ўзгартирди ва Де Хеа дарвозасидан жой олди. Орадан бироз ўтгач, ўнг қанотдан оширилган тўпни Уэлбек яқин масофадан боши билан дарвозага йўллаб, ҳисобдаги фарқни оширди.
Бу натижадан сўнг АПЛда Чемпионлар лигаси йўлланмасини қўлга киритиш имконини берувчи 3 ва 4-ўрин учун кураш янада қизғин кечиши ойдинлашди.

АПЛ, 36-тур
Арсенал – Манчестер Юнайтед 2:0 (0:0)
7 май, Лондон, «Эмирейтс» стадиони
Голлар: 1:0 – 54 Чака, 2:0 – 57 Уэлбек.
Арсенал – Чех, Косьельни, Монреаль, Гиббс, Холдинг, Рэмзи, Окслейд-Чемберлен (Бельерин, 84), Ўзил, Чака (Коклен, 76), Санчес, Уэлбек (Жиру, 84).
Манчестер Юнайтед – Де Хеа, Жонс, Дармиан, Туанзебе, Смоллинг, Мхитарян (Лингард, 61), Кэррик, Эррера (Рэшфорд, 63), Мата (Мактомини, 84), Марсьяль, Руни.
Огоҳлантириш: Косьельни (67).