"Roma" bosh murabbiyi Luchano Spalletti A seriyaning 35-turida "Milan"ga qarshi o‘yinda (4:1) zaxirada qolgan hujumchisi Franchesko Totti haqida achchiqlanib gapirdi.

"Bularning hammmsi rostakamiga mening jahlimni chiqaryapti. Agar bilganimda, "Roma"ga hech qachon qaytmasdim. Bu mavzu doim ko‘tariladi. Bu jamoa g‘alaba uchun maqtovlarga loyiq, ammo buning o‘rniga yana shu mavzu ko‘tarilmoqda. Agar uni besh daqiqa maydonga qo‘ymasam, jurnalistlar mening jamoa afsonasini hurmat qilmasligim haqida yozishadi. Uni zaxirada qoldirsam, matbuotning fikricha - noto‘g‘ri.

Muammo shundaki, biz chempionlar ligasiga chiqish uchun kurashyapmiz va istalgan usulda g‘alaba qozonmoqchimiz. Biz yaxshi jamoamiz, bugun intrigani vaqtliroq o‘ldirishimiz mumkin edi, agar uchinchi golni tezda urmaganimizda bosim ostida qolar edik.

Bugun qatorasiga 6 ta safar o‘yinda g‘alaba qozonib, rekord o‘rnatdik. Yaxshi ishladik. Doim ajoyib o‘yin ko‘rsatmagan bo‘lsakda, bu statistika hech qayerga yo‘qolmaydi", - deydi Spaletti.