"Рома" бош мураббийи Лучано Спаллетти А сериянинг 35-турида "Милан"га қарши ўйинда (4:1) захирада қолган ҳужумчиси Франческо Тотти ҳақида аччиқланиб гапирди.
"Буларнинг ҳамммси ростакамига менинг жаҳлимни чиқаряпти. Агар билганимда, "Рома"га ҳеч қачон қайтмасдим. Бу мавзу доим кўтарилади. Бу жамоа ғалаба учун мақтовларга лойиқ, аммо бунинг ўрнига яна шу мавзу кўтарилмоқда. Агар уни беш дақиқа майдонга қўймасам, журналистлар менинг жамоа афсонасини ҳурмат қилмаслигим ҳақида ёзишади. Уни захирада қолдирсам, матбуотнинг фикрича - нотўғри.
Муаммо шундаки, биз чемпионлар лигасига чиқиш учун курашяпмиз ва исталган усулда ғалаба қозонмоқчимиз. Биз яхши жамоамиз, бугун интригани вақтлироқ ўлдиришимиз мумкин эди, агар учинчи голни тезда урмаганимизда босим остида қолар эдик.
Бугун қаторасига 6 та сафар ўйинда ғалаба қозониб, рекорд ўрнатдик. Яхши ишладик. Доим ажойиб ўйин кўрсатмаган бўлсакда, бу статистика ҳеч қаерга йўқолмайди", - дейди Спалетти.
