«Chelsi» yarimhimoyachisi N’Golo Kante Angliya futbolidagi yana bir sovrinni qo‘lga kiritdi.
U Sport matbuoti uyushmasi tomonidan mavsumning eng yaxshi futbolchisi deb topildi. Ikkinchi o‘rinni uning jamoadoshi Eden Azar, uchinchi o‘rinni «Tottenhem» yarimhimoyachisi Dele Alli egalladi.
«Bu sovrinni qo‘lga kiritganimdan faxrlanaman, bu men uchun sharaf. «Chelsi»da juda ko‘p buyuk futbolchilar to‘p surmoqda. Jurnalistlar tanlovida g‘olib bo‘lganimdan xursandman» - dedi Kante sovrinni topshirish marosimida.
Joriy mavsumda N’Golo Kante APL 33 o‘yinida maydonga tushib, 1 gol urgan va 1 golga hammuallifliq qilgan. Avvalroq u Professional futbolchilar kasaba uyushmasi tomonidan mavsumning eng yaxshi futbolchisi deb tan olingan edi.
