«Челси» яримҳимоячиси Н’Голо Канте Англия футболидаги яна бир совринни қўлга киритди.
У Спорт матбуоти уюшмаси томонидан мавсумнинг энг яхши футболчиси деб топилди. Иккинчи ўринни унинг жамоадоши Эден Азар, учинчи ўринни «Тоттенҳэм» яримҳимоячиси Деле Алли эгаллади.
«Бу совринни қўлга киритганимдан фахрланаман, бу мен учун шараф. «Челси»да жуда кўп буюк футболчилар тўп сурмоқда. Журналистлар танловида ғолиб бўлганимдан хурсандман» - деди Канте совринни топшириш маросимида.
Жорий мавсумда Н’Голо Канте АПЛ 33 ўйинида майдонга тушиб, 1 гол урган ва 1 голга ҳаммуаллифлиқ қилган. Аввалроқ у Профессионал футболчилар касаба уюшмаси томонидан мавсумнинг энг яхши футболчиси деб тан олинган эди.
