“Manchester Yunayted” bosh murabbiyi Joze Mourinyo “Arsenal”dan uchralgan mag‘lubiyat(0:2) dan so‘ng o‘z fikrlarini bildirib o‘tdi.

“Natijadan juda xafaman, lekin jamoa yomon o‘yin ko‘rsatdi deyishga haqqim yo‘q. Ko‘pchilik futbolchilar bugun ishonchni oqlashdi. Ueyn Runi? Unda gol urish uchun ajoyib imkoniyatlar yuzaga kelgandi, ammo ularni golga aylantira olmadi.

Pogba o‘ynamadi, Reshfordga o‘yinga kirishib ketish uchun vaqt yetmadi. Albatta, bugun “Arsenal”ga qarshi bor kuchimizni ishga solmadik, chunki “MYU”ning maqsadi Yevropa Ligasida g‘olib chiqish.

Bizga mavsumni kuchli to‘rtlikda yakunlashdan ko‘ra, Yevropa Ligasi bosh sovrinini qo‘lga kiritish afzalroq. Ba’zi bir futbolchilar dam olishlari kerak”, – deydi Mourinyo.