«Monako» bosh murabbiyi Leonardu Jardim Chempionlar ligasi finaliga chiqish imkoniyati yo‘qolmaganini aytdi.

«Yarimfinalning «Yuventus»ga qarshi javob o‘yinida dadil o‘ynashimizga to‘g‘ri keladi. Ammo bu oson emas. Tezkor gol vaziyatni o‘zgartirishi mumkin. Biz o‘zimizga xos bo‘lga sifatli futbolni namoyish etishda davom qilishimiz shart. Shundagina imkoniyatlarni saqlab qolamiz» - dedi Jardim AP xabarida.

Eslatib o‘tamiz, "Yuventus" – "Monako" o‘yini 9 may kuni o‘tkaziladi. Dastlabki o‘yinda turinliklar 2:0 hisobida g‘alaba qozongan.