"Monako" hujumchisi Kilian Mbappe YECHL yarimfinalida "Yuventus"ga qarshi javob uchrashuvidagi mag‘lubiyat (1:2) va o‘zining goli haqida gapirdi.
"Biz "Yuventus"ga muammolar yaratmoqchi edik, ammo uning darvozasiga kamdan kam xavf sola bildik, bu yetarli bo‘lmadi. Mening golim? Undan hech qanday foyda bo‘lmadi, u o‘zgacha chiqqani ham yo‘q.
Musobaqani boshimizni ko‘targan holda tark etyapmiz, bizga achinish shart emas. Biz ko‘p narsaga o‘rgandik, shu jumladan, men ham. Kelasi mavsum yanada yaxshiroq tayyorlanib qaytishga harakat qilamiz", - deydi Mbappe.
