“Buxoro” 12 may kuni navbatdagi tur uchrashuvini o‘tkazadi.
10-tur doirasida buxoroliklar safarda “Paxtakor” mehmoni bo‘lishadi. Bu ikki jamoa o‘zaro azaliy raqib sanalishadi. Oliy liga musobaqalarida “Paxtakor” va “Buxoro” o‘zaro 48 bor bellashishgan. Juda katta ustunlik poytaxt klubi tomonida.
O‘tkazilgan uchrashuvlarning 33 tasida “Paxtakor”, 6 tasida “Buxoro” g‘alaba qozongan. To‘plar nisbati tabiiy-ki toshkentliklar foydasiga – 33:103.
“Paxtakor”ning “Buxoro” ustidan qozongan eng yirik g‘alabasi 2005 yili qayd etilgan. Buxoroda bo‘lib o‘tgan uchrashuvda toshkentliklar 8:0 hisobida g‘alaba qozonishgan. “Buxoro”ning esa eng yirik g‘alabasi 2:0 bo‘lib turibdi. O‘zaro uchrashuvlarda “Paxtakor” 108 ochkoni, “Buxoro” 27 ochkoni jamg‘argan.
FAKT: 2016 yilgi mavsumdan boshlab “Buxoro” o‘zaro uchrashuvlarda ustunlik qila boshladi. O‘tgan mavsumda bu jamoalar jami 4 marta o‘zaro to‘qnash kelishgan. Shulardan ikki uchrashuv oliy liga doirasida bo‘lgan bo‘lsa, qolgan ikki uchrashuv O‘zbekiston kubogining 1/8 finaliga to‘g‘ri kelgan. . Ta’kidlash joiz-ki, o‘tgan yil “Paxtakor” “Buxoro”ni biron marta mag‘lub eta olmagan. Chempionat doirasida Buxoroda 0:0 hisobi qayd etilgan bo‘lsa, Toshkentda uchrashuv 1:1 hisobida yakunlangan. Kubok uyinlarida esa buxoroliklar har ikkala uchrashuvda bir xil 1:0 hisobida g‘alaba qozonib, keyingi bosqichga yo‘l olishgan edi.
Toshkentda bo‘lib o‘tgan so‘nggi besh uchrashuv:
13.08.2016 “Paxtakor”-“Buxoro” 1:1
03.04.2015 “Paxtakor”-“Buxoro” 3:1
29.10.2014 “Paxtakor”-“Buxoro” 4:0
04.08.2013 “Paxtakor”-“Buxoro” 2:1
21.11.2012 “Paxtakor”-“Buxoro” 4:1
