"Buxoro" bilan uchrashuvdan keyin jamoamiz murabbiyi matbuot anjumanida o‘yin haqida fikrlarini bildirdi.   Jasur ABDURAIMOV ("Paxtakor" bosh murabbiyi): - Bizda oson o‘yinlar kuzatilmayapti. Yosh yigitlarni asta-sekinlik bilan tarkibga qo‘shib boryapmiz. Yigitlarga bugun bor kuchlarini ishga solgani va g‘alaba uchun minnatdorchilik bildiraman. Futbolda hozir ko‘pincha vaziyatga qarab o‘ynalmoqda. Shuningdek, ruhiy jihatni nazardan qochirib bo‘lmaydi. Yutayotgan taraf baribir uni saqlab qolishga intiladi. Muhimi, bizda do‘stona muhit ko‘zga tashlanyapti.   Hisob qanday bo‘lishidan qat’i nazar shunday holatlardan foydalanish kerak. Ba’zida maydonda tajribali o‘yinchilar yoshlarga e’tirozini aytishi va ko‘rsatma berishi foydali. O‘sha holatni adolatdan deb bilaman.   Qisqa muddat ichida ko‘p narsani o‘zgartirish qiyin. Men yigitlardan birlashishni so‘radim. Ishtiyoqni oshirishni talab qildim. Hozir mashg‘ulotlarda boringni ishga solmasang o‘yinlarni yuta olmaysan.