"Midlsbro" darvozaboni Viktor Valdes "Manchester Siti" qiziqishlari doirasiga tushib qoldi.
Xabarlarga ko‘ra, "shaharliklar" 35 yoshli ispaniyalik posbonni mavsum yakunidan so‘ng taklif qilmoqchilar.
"Siti" bosh murabbiyi Xosep Gvardiola Valdes bilan "Barselona"dagi ajoyib 4 yilni o‘tkazgan. Bundan tashqari Valdes, "Siti"ning asosiy darvozaboni Klaudio Bravodan ko‘ra oyog‘i bilan yaxshi ishlaydi va Angliya chempionatida ishlash tajribasi ko‘proq. Valdes bu mavsumda 8 ta "quruq" o‘yin o‘tkazdi.
Uning "Midlsbro" bilan shartnomasi yana bir yil amalda bo‘ladi, ammo jamoa APLni tark etganidan so‘ng u jamoada qolmasligi mumkin.
"Siti" zaxira darvozaboni Villi Kabalyeroning shartnomasini uzaytirgani yo‘q, u yozda erkin agentga aylanadi. "Shaharliklar" "Torino"da ijarada o‘ynayotgan Jo Hartni sotishlari taxmin qilinmoqda.
