"Мидлсбро" дарвозабони Виктор Вальдес "Манчестер Сити" қизиқишлари доирасига тушиб қолди.
Хабарларга кўра, "шаҳарликлар" 35 ёшли испаниялик посбонни мавсум якунидан сўнг таклиф қилмоқчилар.
"Сити" бош мураббийи Хосеп Гвардиола Вальдес билан "Барселона"даги ажойиб 4 йилни ўтказган. Бундан ташқари Вальдес, "Сити"нинг асосий дарвозабони Клаудио Браводан кўра оёғи билан яхши ишлайди ва Англия чемпионатида ишлаш тажрибаси кўпроқ. Вальдес бу мавсумда 8 та "қуруқ" ўйин ўтказди.
Унинг "Мидлсбро" билан шартномаси яна бир йил амалда бўлади, аммо жамоа АПЛни тарк этганидан сўнг у жамоада қолмаслиги мумкин.
"Сити" захира дарвозабони Вилли Кабальеронинг шартномасини узайтиргани йўқ, у ёзда эркин агентга айланади. "Шаҳарликлар" "Торино"да ижарада ўйнаётган Жо Ҳартни сотишлари тахмин қилинмоқда.
