Madridning «Real» klubi himoyachisi Pepe yozda Italiyaning «Inter» klubi safiga ko‘chib o‘tadi. Bu haqda Marca nashri xabar tarqatdi.

Ondo Cero manbasi bergan xabarda esa 34 yoshli portugaliyalik futbolchining Milan klubi bilan tuziladigan shartnoma shartlari bayon qilingan. Unga ko‘ra, Pepe «Inter» bilan «2+1» ko‘rinishida shartnoma imzolaydi va yiliga 5 million yevro maosh oladi.

Bu taklifni qabul qilish uchun Pepe Xitoydan tushgan juda qulay taklifni rad qilgandi. Shuningdek himoyachi «Real» taklif qilgan bir yillik shartnomaga ham rad javobini bergan. U madridliklar bilan 2 yillik shartnoma imzolashni istagandi.