“Manchester Yunayted” oldida Yevropa Ligasi bosh sovrining yutish, ya’ni “Ayaks”ni mag‘lub etish vazifasi turibdi.

“MYU” bugun “Tottenxem”dan qabul qilib olgan mag‘lubiyatdan so‘ng ichki chempionatda kuchli to‘rtlikka kirish imkoniyatidan mahrum bo‘ldi.

O‘yindan so‘ng “qizil iblislar” bosh murabbiyi Joze Mourinyo jamoa rejalari haqida izoh berdi

“Bor e’tiborimizni Yevropa Ligasiga qaratganmiz deya olmayman. Shunchaki bir vaqtning o‘zida 15 ta futbolchi bilan ikkita musobaqada qatnashish og‘ir ish.

Asosiysi bugun bizning futbolchilar jarohat olishmadi. Kim bugun o‘ynashi kerak bo‘lsa, shu futbolchi maydonga tushdi. “MYU” uchun Angliya Premyer-ligasi finali yetib keldi”, — deydi Mourinyo.