Oliy liga 10-turidan o‘rin olgan “Mash’al” – “Olmaliq” (0:0) uchrashuvidan so‘ng mezbonlar ustozi Aleksandr Xomyakov o‘z fikrlarini bildirdi.
“Bugun rejalashtirganlarimizni amalga oshira olmadik. Kun juda issiqligi bizga ta’sir qildi. Biz raqibning kuchli tomonlarini bilgan holda to‘pni o‘zimizda ushlab turish va qarshi hujumda o‘ynashga urindik. Afsuski bunday qila olmadik. Ikkinchi taymda havo bizga tezroq o‘ynashga imkoniyat berdi. Penalti ishlab oldik, ammo omad biz tomonda emas edi. Boshqa tomondan mag‘lubiyatga ham loyiq emasdik. Shu bois durang adolatli bo‘ldi.
Abdulloh Olimov jarohat olib bugun maydonga tushmadi. Birinchi taymda esa bir yo‘la ikki majburiy o‘zgarishni amalga oshirdik.
Menimcha bugungi durang hech bir klubni qoniqtirmadi”, – deydi Xomyakov.
