Bugun, 15 may kuni O‘zbekiston futbol federasiyasining sun’iy qoplamali maydonida maktab o‘quvchilari – 2009 yilda tavallud topgan o‘g‘il bolalar hamda 2007 yilda tug‘ilgan qiz bolalar ishtirokida OFKning bolalar ommaviy futboli kuniga bag‘ishlangan festival bo‘lib o‘tdi.
Tadbirning ochilish marosimidan keyin barcha ishtirokchilar maydonga chiqib, o‘z mahoratini namoyish qildi. Futbol maydonida bir nechta o‘yin maydonchalariga ajratildi. Ishtirokchilar guruhlarga bo‘lindi va har bir guruh o‘z murabbiyiga ega bo‘ldi.
Festivalning yosh qatnashchilari estafeta, to‘p bilan muomala qilish, to‘pni qo‘lga ushlagan holda yugurish, to‘pni nazorat qilish kabi mashqlarni bajardi. Tadbir davomida murabbiylar o‘g‘il va qiz bolalarni futbol texnikasining elementlari bilan tanishtirdi. Festival yakunida barcha ishtirokchilarga sertifikatlar topshirildi.
OFKning bolalar ommaviy futboli festivali fotoreportaji bilan mazkur havola orqali tanishib chiqish mumkin.
