Qatarda JCH-2022 musobaqasi uchun qurilgan birinchi stadion - Khalifa International Stadium ishga tushadi, deya xabar beradi Supreme Committee.
Qatar futbol assosiasiyasi 19 may, juma kuni bu arenada birinchi uchrashuv - Amir kubogi-2017 finali bo‘lib o‘tishini e’lon qilgan. "Al Rayan" va "As Sadd" jamoalari uchrashuvi oldidan ochilish marosimi bo‘lib o‘tadi.
Khalifa International Stadium arenasi ta’mirdan so‘ng 40 ming tomoshabinni sig‘dira oladi, bu FIFA talablariga javob beradi. Shuningdek, stadionda havoni salqinlatib beruvchi innovasion sistema bor. Barcha o‘rindiqlar tom ostida.
Bu stadionda nafaqat JCH-2022 musobaqasi, balki 2019 yilda yengil atletika bo‘yicha jahon chempionati bo‘lib o‘tadi.
Qatardagi mundial 2022 yilning 21 noyabridan 18 dekabrigacha bo‘lib o‘tadi.
