Kuni kecha “Qo‘qon-1912” jamoasiga qarshi milliy chempionatimiz doirasida uchrashuv o‘tkazgan “Lokomotiv” futbolchilari bir kunlik damdan so‘ng Kubok bahslari doirasidagi “Qizilqum” bilan bo‘ladigan bellashuvga tayyorgarlikni boshladi.

Bugun klub qarorgohida yig‘ilgan futbolchilar kechki payt “Lokomotiv” stadionida mashg‘ulot o‘tkazishdi. Mashg‘ulot avvalida Andrey Miklyayev hamda Mirko Yelichich futbolchilarga bugun qanday mashqlar bajarilishi xususida qisqa ma’lumot berishdi. So‘ng yengil yugurib olingach, futbolchilar Yelichich boshchiligida chigalyozdi mashqlari o‘tkazishdi. Darvozabonlar esa Pyotr Gizimchuk rahbarligida o‘z mashqlarini boshlashdi. So‘ngra taktik mashqlarga o‘tildi.

Mashg‘ulot jarayoni ancha ko‘tarinki ruhda o‘tdi.