Ko‘plab OAV manbalarining xabarlariga ko‘ra, «Everton» hujumchisi Romelu Lukaku katta ehtimol bilan «Chelsi»ga qaytadi.

Diyego Kostaning «ko‘klar» tarkibidagi kelajagi so‘roq ostida qolmoqda. Shuning uchun belgiyalik hujumchi Antonio Kontening asosiy nishonlaridan biri bo‘lib turibdi.

O‘z navbatida taniqli murabbiy Garri Rednapp ham mazkur holat bo‘yicha o‘z fikrlarini bildirib o‘tdi.

«Oldin ham aytganman – katta mablag‘ bor klublar ko‘p narsa oson kechadi. Lukaku «Chelsi»ga qaytadi. Transfer narxi esa juda qimmat bo‘ladi.

Ammo Lukaku jahon darajasidagi hujumchilar bilan raqobatlasha olishi uchun hali ko‘p narsani o‘rganishi kerak» - deydi Rednapp.