«Vilyarreal» va «Real Sosyedad» kelasi mavsumda Yevropa ligasida Ispaniya sharafini himoya qiladigan bo‘ldi.
Primeraning so‘nggi turida «sariq suvosti kemasi» «Valensiya»ni (3:1) mag‘lub etib, 5-o‘rinni egalladi. «Real Sosyedad» esa «Selta» (2:2) bilan durang o‘ynab, 6-o‘ringa chiqib oldi. Yevropa ligasi uchun kurashayotgan «Atletik» safarda «Atletiko»ga (1:3) yutqazib, musobaqadan chetda qoldi.