Ispaniya matbuotida «Barselona»ni kim boshqarishi haqida taxminlar ko‘paymoqda.
Avvalroq, jamoani «Atletik» klubining ustozi Ernesto Valverde qo‘lga olishi haqida xabarlar chiqqan edi.
Endi esa uni «Everton» bosh murabbiyi Ronald Kuman qo‘lga olishi haqida gapirilmoqda. Xususan, radiostansiyalardan birining efirida, Kataloniya klubining transfer qo‘mitasi a’zosi Aryedo Brayda aynan Kumanning bosh murabbiy bo‘lishiga ishonchi komil ekani haqida aytgan gaplari yangragan.
«Barselona» rahbariyati bosh murabbiy nomini Ispaniya kubogi finalidan (28 may) so‘ng e’lon qilishini bildirgan.
