Darvozabon Yasper Sillessen «Barselona» zaxira o‘rindig‘ida o‘tirib qolgani sababli, jamoani tark etmoqchi emas.
«Albatta maydonga kam tushmaganim, meni qoniqtirmaydi. «Barselona»ga kelganimda, moslashib ketishim uchun vaqt kerakligini bilardim. Men mehnat qilmoqdaman va «Barselona»ning birinchi raqamli darvozaboni bo‘lish uchun kurashmoqdaman. Bunga erisha olaman, aks holda «Barselona» bilan shartnoma imzolamagan bo‘lardim. Bu yerda baxtiyorman va qishgacha jamoamni o‘zgartirish haqida o‘ylamayman» - dedi Sillessen Sport.es xabarida.
O‘tgan yili yozda «Barselona»ga kelib qo‘shilgan 28 yoshli futbolchi shu paytgacha 8 o‘yinda maydonga tushgan.
