«Barselona» hujumchisi Neymar va Luis Enrikening yordamchisi Xuan Karlos Unsue yarashib olishdi.
Avvalroq, mashg‘ulotlardan birida Unsue Neymarga tanbeh berib, e’tiborini maydon tashqarisidagi hayotga emas, o‘yinga qaratishi lozimligi haqida gapirgan edi. Bunga javoban, Neymar agar u «Barsa» bosh murabbiyi qilib tayinlansa, jamoadan ketishini aytgandi.
Biroq, Ispaniya kubogi finalidan oldin har ikkalasi ham mashg‘ulotda bir-biriga yaxshi muomala qilishgani, hazillashgani ko‘rinib turdi. Kataloniya matbuotining xabariga ko‘ra, Messi ularni yarashtirib qo‘ygan bo‘lishi mumkin.
