Jizzax shahrida “Barkamol avlod-2017” sport musobaqalari davom etmoqda.
Bugun futbol bo‘yicha final uchrashuvi bo‘lib o‘tdi. Unda Nurali Sultonov boshchiligidagi Qashqadaryo viloyati terma jamoasi Farg‘ona viloyati terma jamoasi bilan bahslashi.
O‘yinning asosiy vaqti 1:1 hisobida yakunlandi. Shundan so‘ng, musobaqa nizomiga ko‘ra, penaltilar seriyasi bo‘lib o‘tdi. Qashqadaryoliklar barcha penaltilarni aniq amalga oshirishdi. Farg‘onalik futbolchilar esa 2 bor imkoniyatdan foydalana olishmadi. Yakuniy hisob 5:3 bo‘ldi.
Qashadaryo viloyatining futbol bo‘yicha terma jamoasi, mazkur musobaqada birinchi marta bosh sovrinni qo‘lga kiritdi. Uning asosini “Nasaf” FM tarbiyalanuvchilari tashkil qiladi.
