Ushbu mavsum Kataloniyaning “Barselona”si uchun omadsiz kelgani bor gap. Kimdir bunda o‘yinchilarni aybladi, yana kimdir bosh murabbiyni. Nima bo‘lgan taqdirda ham Luis Enrikeni tanqid qilishga hech kimning, ayniqsa, “Barselona” futbolchilari va muxlislarining haqi yo‘q. Chunki u “Barselona”ga keragidan ham ortiq sovrin olib berdi. Shunchaki bu mavsumda uning ishlari unchalik ham yurishmadi. Xo‘sh, ayni damda Luis Enrikening “Barselona”dan ketishi aniq bo‘lib ulgurganda unda bu mavsumda arzirli sovrin yo‘q edi. Ammo Enrikeni munosib kuzatish uchun “Barselona” futbolchilarida yaxshi imkoniyat bor. Buning uchun ular bugun oqshomda bo‘lib o‘tadigan “Barselona” va “Alaves” o‘rtasidagi final uchrashuvida zafar quchishlari shart. Ana shunda Ispaniya kubogi Enrike uchun munosib xayrlashuv sovg‘asi bo‘ladi.
IKKALA KLUBNING HAM YO‘QOTADIGAN NARSASI YO‘Q
Albatta, “Alaves”ning ham, “Barselona”ning ham yo‘qotadigan narsasi yo‘q. Demak, ikkala jamoa ham mazkur o‘yinda bor kuchini, bor imkoniyatini sarf qilishi tayin. Xususan, bugun “Barselona”, garchi raqib “Alaves”dek o‘rtamiyona jamoa bo‘lsa-da, asosiy tarkibda maydonga tushishi tayin. Dengizga cho‘kayotgan odam tirik qolish uchun xasga ham yopishadi, deganlaridek, “Barselona” omadsizlik botqog‘idan biroz bo‘lsa-da chiqish uchun Ispaniya kubogi finaliga tish-tirnog‘i bilan qurollanishi tayin. Tavakkal qilishga haqi yo‘q. Enrikening baxtiga, jamoa jiddiy yo‘qotishlarga duch kelmagan. Asosiy jangchilar jangga shay holatda. Demak, bu yog‘idan ko‘ngilni to‘q qilsa bo‘ladi. Endi o‘ylab ko‘ring, agar finalda “Alaves” g‘alaba qozonsa bormi?
Garchi haqiqatdan biroz uzoq bo‘lsa-da, “Alaves”da ham g‘oliblik uchun imkoniyat bor. Aslida,
Davomi penalti.uz blogida.
