O‘zbekiston Kubogining amaldagi sohibi “Lokomotiv” joriy yilgi Kubok bahslari 1/8 final o‘yinlari doirasida “Qizilqum” bilan to‘qnash keldi.
Toshkentda o‘tgan ilk uchrashuvda 5:0 hisobida g‘alabaga erishgan “temiryo‘lchilar” ayni paytda Navoiyda kechadigan javob o‘yiniga hozirlik olib borishmoqda.
Bugun ham “Lokomotiv” stadionida mashg‘ulotlar o‘tkazildi. Jamoa mashg‘ulotlarni ko‘tarinki ruhda davom ettirmoqda. Unda jarohatlangan futbolchilarimiz ishtirok etishayotgani yo‘q. Milliy terma jamoamizning hozirda Toshkentda bo‘lib turgan legionerlari – Temurxo‘ja Abduxoliqov va Server Jeparov “Lokomotiv” bilan birgalikda shug‘ullanishmoqda.
