"Real" klubi Xames Rodrigesning transferi uchun "Inter"ning taklifini rad qildi.

AS xabariga ko‘ra, milanliklar kolumbiyalik 25 yoshli futbolchi uchun 42 million yevro taklif qilganlar, ammo ispan klubi bunga rad javobini berdi.

Avvalroq, "Real" Xamesni 75 million yevrodan kamiga sotmasligi ma’lum bo‘lgan edi.

Bundan tashqari, futbolchining o‘zi kelasi mavsum chempionlar ligasida qatnashadigan "MYU" bilan o‘zaro kelishib qo‘ygani haqida xabarlar bor.

"Inter" o‘tgan mavsumda A seriyada 7-o‘rinni egalladi va yevrokuboklardan chetda qoldi.