O‘zbekiston kubogi 1/8 finalidan o‘rin olgan “So‘g‘diyona” - “Buxoro” (0:3) o‘yinidan so‘ng, mezbonlar bosh murabbiyi Davron Fayziyev o‘z fikrlarini aytdi.

"Qisqa qilib aytganda, yaxshiyamki bugun chempionat doirasidagi o‘yin emas. Yigitlarda bugun ruhiy tushkunlik va raqib jamoaga ozroq hurmatsizlik sezildi. Bir hafta oldin Buxoroda bo‘lgan o‘yin bilan bugungi o‘yinda yer bilan osmondek farq bor. G‘alaba qozonilganda futbolchilar g‘alaba qozonadi,mag‘lubiyatda murabbiy mag‘lubiyatga uchraydi. O‘yindagi barcha kamchilik va barchasi uchun aybni o‘z bo‘ynimga olaman.Demak murabbiy yetarlicha jamoani bahsga tayyorlay olmagan. Bundan fojea yasash kerak emas “Buxoro” jamoasi bugungi o‘yinda bizdan ustunligini ko‘rsatdi. Oldimizda chempionat doirasida uch ta muhim uchrashuv kutmoqda. Biz ushbu o‘yinlarga tayyorgarlik ko‘ramiz va ochkolar jamg‘arib o‘z oldimizga qo‘ygan maqsadga yetamiz deb o‘ylayman.

O‘yinda kamchiliklarimiz talaygina. Darvozabonimiz bugun shamollagani uchun o‘ynolmadi. Biz bugun Sarvar Karimovni qo‘yishga majbur bo‘ldik. Pozisiyalarda ham muammolarmiz bor. Darvozada,hujumda. Ximoyada esa bizga ximoyachi kerak bu haqida esa birinchi davrani yakunlab o‘ylab chiqamiz" - dedi Fayziyev.