Bir necha kundan buyon buxorolik futbol ishqibozlari orasida Ivor Veyser jamoani tark etgani to‘g‘risida turli mish-mishlar tarqaldi.
Ushbu holatga oydinlik kiritish maqsadida xorvatiyalik legionerga murojaat qildik.
“Bugungi kunda futbolchilar to‘g‘risida turli mish-mishlar paydo bo‘lishi bu tabiiy hol sanaladi. Men “Buxoro”ni tark etganim to‘g‘risidagi ma’lumotlarga o‘z munosabatimni bildirmoqchiman. Jarohatim borligi tufayli jamoamga yordam bera olmayapman. Shu sababli ma’lum muddat Toshkentda davolanish bilan bandman. Rasmiy tarzda ma’lum qilaman-ki, men “Buxoro”ni tark etganim yo‘q. Nasib qilsa yana 5-6 kunlik davolanishdan so‘ng yana mashg‘ulotlarga qaytaman va “Lokomotiv” bilan o‘yinga qadar to‘liq tiklanib, ushbu uchrashuvda jamoamga yordam berishga tayyor bo‘laman”-dedi Ivor Veyser.
