31 may kuni futbol bo‘yicha O‘zbekiston kubogining chorakfinaliga yo‘llanma olgan barcha klublar nomiga oydinlik kiritildi hamda yarimfinal yo‘lida kurash olib boradigan juftliklar nomi aniq bo‘ldi.

Unga ko‘ra, G‘uzorning «Sho‘rtan» klubiga ikki uchrashuvda javobsiz 5 ta gol urgan Mirjalol Qosimov boshqaruvidagi «Bunyodkor» Farg‘onaning «Neftchi» klubi bilan raqobat hosil qiladigan bo‘ldi. Qayd etish kerak, «Neftchi» bugun — 1 iyun kuni Vadim Abramovning qo‘liga o‘tgani borasida xabar chiqdi.

Kubokning amaldagi egasi «Lokomotiv» yarim final yo‘lida Ulug‘bek Baqoyevning «Buxoro»si bilan bellashadi. «Nasaf» esa «Qo‘qon—1912»ga qarshi kurash olib boradi.

Chorak finalning birinchi uchrashuvlari 30 iyun kuni, javob bellashuvlari esa 26 iyul sanasida bo‘lib o‘tadi.

O‘zbekiston kubogi
Chorakfinal
30 iyun, juma

«Lokomotiv» — «Buxoro»
«Qo‘qon—1912» — «Nasaf»
«Dinamo» — «Mash’al»
«Neftchi» — «Bunyodkor»