Moskvaning "Ararat" klubi hujumchisi Roman Pavlyuchenko Rossiya kubogi finalidan so‘ng "Lokomotiv" hujumchisi Ari haqida aytgan so‘zlariga izoh berdi.
- Keling, tasavvur qilib ko‘raylik: bir haftadan keyin "Ararat"ga Ari keladi. Sizning munosabatingiz?
- U bu yerga kelmaydi. Agar kelsa - men bu yerda bo‘lmayman.
- Rossiya kubogi finalidan so‘ng u haqida faqat bir jumlani takror va takror aytdingiz. Nima uchun to‘xtay olmadingiz?
- Balki boshqa jumla tanlashim kerak bo‘lgandir, ammo biroz qo‘polroq chiqdi. Ammo takror vaziyatni ko‘rganimda, achchig‘im chiqib ketdi. Agar men "Tottenhem"da angliyalik futbolchini urganimda, futbol federasiyasi darhol meni uyga jo‘natib yuborgan bo‘lar edi. Shuning uchun bunga chidolmayman: braziliyadan kelib, rus futbolchisini urarmish. Ruslar mushtlashganida, normal munosabat bildirgan bo‘lardim. Ammo braziliyalikning rusni urib turishi - normal emas. Odam bizning mamlakatimizga kelarkan, pul ishlab toparkan, ammo huquq talab qilib, futbolchini urarkan. Albatta, uyat so‘zlarni ishlatganim noto‘g‘ri bo‘ldi, - deydi Pavlyuchenko.
