Москванинг "Арарат" клуби ҳужумчиси Роман Павлюченко Россия кубоги финалидан сўнг "Локомотив" ҳужумчиси Ари ҳақида айтган сўзларига изоҳ берди.
- Келинг, тасаввур қилиб кўрайлик: бир ҳафтадан кейин "Арарат"га Ари келади. Сизнинг муносабатингиз?
- У бу ерга келмайди. Агар келса - мен бу ерда бўлмайман.
- Россия кубоги финалидан сўнг у ҳақида фақат бир жумлани такрор ва такрор айтдингиз. Нима учун тўхтай олмадингиз?
- Балки бошқа жумла танлашим керак бўлгандир, аммо бироз қўполроқ чиқди. Аммо такрор вазиятни кўрганимда, аччиғим чиқиб кетди. Агар мен "Тоттенҳэм"да англиялик футболчини урганимда, футбол федерацияси дарҳол мени уйга жўнатиб юборган бўлар эди. Шунинг учун бунга чидолмайман: бразилиядан келиб, рус футболчисини урармиш. Руслар муштлашганида, нормал муносабат билдирган бўлардим. Аммо бразилияликнинг русни уриб туриши - нормал эмас. Одам бизнинг мамлакатимизга келаркан, пул ишлаб топаркан, аммо ҳуқуқ талаб қилиб, футболчини ураркан. Албатта, уят сўзларни ишлатганим нотўғри бўлди, - дейди Павлюченко.