O‘zbekiston terma jamoasi va Moskvaning «Lokomotiv» klubi himoyachisi Vitaliy Denisov Germaniyada jarrohlik amaliyotini o‘tadi.

Futbolchi orqasidan olgan jarohati yuzasidan muvaffaqiyatli operasiya qilindi, deb xabar bermoqda klub rasmiy sayti.

«Lokomotiv» shifokori Nikita Karliskiy xabariga ko‘ra, amaliyot yaxshi o‘tgan va Vitaliy tiklanish jarayonini boshlab yuborgan.

«Orqamdagi og‘riq haliyam bor, ammo o‘zimni yaxshi his qilmoqdaman. Operasiya 3,5 soat davom etdi va yaxshi o‘tdi. Shifokorning gapiga ko‘ra, 2 haftadan so‘ng, zalda va basseynda mashg‘ulotlarga kirishaman. Yanada kuchliroq bo‘lib qaytaman!» - dedi Denisov bu haqda.

Futbolchining qachon maydonga qaytishi noma’lum.