Yakuniga yetgan may oyi bo‘yicha “Andijon”ning eng yaxshi futbolchisi aniqlandi.

Muxlislar orasida o‘tkazilgan so‘rovnomaga ko‘ra may oyida tajribali hujumchi Anvar Berdiyev eng yaxshi futbolchi deb topildi.

“Andijon” may oyida jami 6ta o‘yin o‘tkazib, jami 14ta ochko jamg‘ardi. Berdiyev mazkur uchrashuvlarning 4tasida ishtirok etib, raqiblar darvozasini to‘rt marta aniq nishonga ola bildi. Tajribali hujumchining ayniqsa safarda “Norin”ga qarshi bahsda kiritgan 2ta goli muhim g‘alabani ta’minladi. Shuningdek Anvar Berdiyev qolgan ikkita to‘pini “Xorazm”ga qarshi bahsda kiritdi. Bu safar esa uning gollari “Andijon”ga durangni taqdim etdi.

Bir so‘z bilan aytganda, 39 yoshli futbolchi o‘zining boy tajribasi evaziga “Andijon”ga katta yordam bermoqda. Uning golini oldindan his qilishi ko‘pincha raqib posbonlarini qiyin vaziyatga tushirib qo‘ymoqda deyish mumkin.

May oyi bo‘yicha o‘tkazilgan so‘rovnoma yakunlari:

1. Anvar Berdiyev – 49 ball.

2. Shahboz Jumabev – 14.

3. Dilmurod Mahmudov – 12.

4. Ibrohim Otaxonov – 9.

5. Farhod Bekmuratov – 5.

6. Akbar Xodjayev – 4.

7. Sanjar Asqaraliyev – 4.

8. Lochin Dolimov – 4.

9. Qahramon Mahamadjonov – 3.

10. Oybek Nurmatov – 2.