«Yuventus» klubining sobiq, ayni paytda Xitoy terma jamoasi bosh murabbiyi Marchelo Lippi Chempionlar ligasi finalidan oldin o‘z fikrlarini aytdi.

«2015 yilda, Berlin finalidagi mag‘lubiyatdan so‘ng, «Yuventus» jamoada o‘zgarish qilish lozimligi haqidagi xulosaga keldi. Ular Skudetto sohibi bo‘lgach, YECHL finaliga ham chiqqan edi. Ammo ko‘pchilik bu hodisani tasodifga yo‘ydi.

So‘nggi ikki yil ichida jamoa o‘sdi, o‘z kuchiga bo‘lgan ishonchni orttirdi. Jamoa tarkibga Iguain, Dibala va Xyedirani qo‘shib olib, ancha kuchayishga muvaffaq bo‘ldi. Endi «Yuve» Chempionlar ligasida g‘olib chiqish uchun juda yaxshi imkoniyatga ega. U «Barselona»ga uchta gol urib, birorta o‘tkazib yubormadi. Bundan tashqari, hali hech kimdan mag‘lub bo‘lmadi. Bu hayratlanarli natija» - dedi Lippi La Gazzetta dello Sport xabarida.