Chempionlar Ligasining yakunlangan 2016/17 yillardagi mavsumi musobaqa tarixidagi eng sermahsuli bo‘ldi. O‘rtacha hisobda klublar bir o‘yinda 3,04 ta gol (125 ta o‘yinda 380 ta gol) urdilar va 2012/13 yillarda qayd qilingan rekord natijani yangiladilar. O‘sha mavsumda bir o‘yinda 2,94 ta gol kiritilgan.

Joriy Chempionlar Ligasi finalida "Real" "Yuventus"ni 4:1 hisobida mag‘lub etdi. Madrid klubi hujumchisi Krishtianu Ronaldu ketma-ket 5-marotaba  va o‘z faoliyatida 6-marotaba musobaqaning eng yaxshi to‘purari bo‘ldi. Joriy mavsumda porrtugaliyalik futbolchi Yevropaning klublararo bosh musobaqasida 12 ta gol urishga muvaffaq bo‘ldi. U, shuningdek, 105 ta to‘p bilan Chempionlar Ligasi tarixidagi eng yaxshi to‘purar hisoblanadi.