Kubok o‘yinlari doirasidagi “Qizilqum”ga qarshi bahsdan so‘ng “Lokomotiv” futbolchilariga 5 kunlik qisqa ta’til berilgandi. 

Bugun “temiryo‘lchilar” jamoasi a’zolari klub qarorgohida yig‘ilishdi va tushdan so‘ng “Lokomotiv” stadionida ilk mashg‘ulot o‘tkazildi. Mashg‘ulotda milliy terma jamoa ixtiyorida bo‘lgan futbolchilar hamda jarohatini davolash bilan band bo‘lgan o‘yinchilar qatnashmadi.

Jamoamiz ishqibozlarini xursand qiladigan jihat shundan iboratki, mahoratli futbolchilar – Salamat Qutiboyev hamda Ikrom Aliboyev bugundan mashg‘ulotlarda ishtirok eta boshladi. Ular bugun umumiy mashg‘ulotlarda qatnashdi.

Mashg‘ulot jarayoni ancha ko‘tarinki ruhda o‘tdi.