Кубок ўйинлари доирасидаги “Қизилқум”га қарши баҳсдан сўнг “Локомотив” футболчиларига 5 кунлик қисқа таътил берилганди.
Бугун “темирйўлчилар” жамоаси аъзолари клуб қароргоҳида йиғилишди ва тушдан сўнг “Локомотив” стадионида илк машғулот ўтказилди. Машғулотда миллий терма жамоа ихтиёрида бўлган футболчилар ҳамда жароҳатини даволаш билан банд бўлган ўйинчилар қатнашмади.
Жамоамиз ишқибозларини хурсанд қиладиган жиҳат шундан иборатки, маҳоратли футболчилар – Саламат Қутибоев ҳамда Икром Алибоев бугундан машғулотларда иштирок эта бошлади. Улар бугун умумий машғулотларда қатнашди.
Машғулот жараёни анча кўтаринки руҳда ўтди.
