Chempionlar ligasidagi g‘alaba «Real» klubini eng kuchli brendlar o‘nligida birinchi o‘ringa olib chiqdi.
Brand Finance kompaniyasining ma’lumotiga ko‘ra, brendning kuchi jamoaning mavsumdagi o‘yini va muvaffaqiyatlarini foydali bitim bilan shartnomalarga aylantira olish salohiyatiga bog‘liq.
Brendlarning narxi bo‘yicha peshqadam «MYU» klubi hisoblanadi. Uning narxi 1,733 mlrd dollarga teng. Ammo ommaviylik bo‘yicha «MYU» bor yo‘g‘i to‘rtinchi o‘rinda bormoqda.
«Real» berndining narxi 1,419 mlrd dollar, «Barselona»niki 1,418 mlrd dollarga teng. Har ikkala klub ham ommaviy brendlar ichida peshqadam bo‘lib turibdi. Uchinchi o‘rinda borayotgan «Bavariya» brendining narxi 1,222 mlrd dollarga baholangan.
