Чемпионлар лигасидаги ғалаба «Реал» клубини энг кучли брендлар ўнлигида биринчи ўринга олиб чиқди.

Brand Financе компаниясининг маълумотига кўра, бренднинг кучи жамоанинг мавсумдаги ўйини ва муваффақиятларини фойдали битим билан шартномаларга айлантира олиш салоҳиятига боғлиқ.

Брендларнинг нархи бўйича пешқадам «МЮ» клуби ҳисобланади. Унинг нархи 1,733 млрд долларга тенг. Аммо оммавийлик бўйича «МЮ» бор йўғи тўртинчи ўринда бормоқда.

«Реал» берндининг нархи 1,419 млрд доллар, «Барселона»ники 1,418 млрд долларга тенг. Ҳар иккала клуб ҳам оммавий брендлар ичида пешқадам бўлиб турибди. Учинчи ўринда бораётган «Бавария» брендининг нархи 1,222 млрд долларга баҳоланган.