Oliy ligada yuzaga kelgan kichik tanaffus yuzaga kelganligi sababli jamoalarimizda ma’lum kun davomida chempionat charchoqlarini chiqarish imkoni yuzaga kelgandi, deya xabar beradi "Navbahor"ning rasmiy sayti.
Bunday tanaffusdan xorijlik futbolchilar ham samarali foydalanishdi. Xususan, "Navbahor" sharafini himoya qilayotgan serbiyalik legionerlar Darko Stanoyevich va Nemanya Yovanovichl yaqinlari bilan ko‘rishish maqsadida uylariga jo‘nab ketishgandi. Bir necha kun davomida oila a’zolari davrasida dam olgan legionerlar bugun kunning ikkinchi yarmida Toshkentga yetib kelishdi. Ertadan esa futbolchilar mashg‘ulotlarda qatnashishni boshlashadi.
Bundan tashqari dastlabki kungi mashg‘ulotlarda qatnashmagan Oybek Qilichev ham safga qaytadi. Jarohat sababli bir necha o‘yinlarda maydonga tusha olmagan himoyachi G‘iyos Komilov esa yakka tartibda shug‘ullanmoqda. Yana bir jarohatlangan futbolchi Ro‘zimboy Ahmedov esa hozircha jamoa ixtiyoriga qaytganicha yo‘q. Jamoaning qolgan a’zolari mashg‘ulotlarda to‘laqonli tarzda ishtirok etishmoqda.
